Auf guad münchnerisch

1 | 2 | 3 | 4 | 5 | 6

Wer is d'Schneizlinger?

am .

Theresia Schneizlinger is a waschechts Münchner "Gwachs" und steht mit manche moderne Sachan auf m Kriagsfuaß. Aber sie is durchaus tolerant, solang jemand a anständiger Mensch is oder oana, der im Biergarten ned scho noch da zwoatn Mass unterm Tisch liegt.

D' Schneizlinger nimmt koa Bladl vorn Mund und hod se scho a poar Moi d Goschn vabrennt. Aber des is ihra wurscht, wei sie moant: "I sog ja nix, i moan ja bloß" und "Wos wahr is, muaß wahr bleibn!"

Sie hod mim Internet ned vui am Huad, oiso tipp i ihre Erlebnis, Gedankn und Gschichterln aus m Oidog, de s' ma vazäiht, in den Blog. A Zeitlang hods nimma meng, aber i hobs überredt, weidaz'macha, weil sie hod ois oane vo de letztn waschechten Münchnerinna einfach de Pflicht, wos vo unsara Kuitur weiterzugebn.

Ab und zua daucht d' Schneizlinger aa in an Sketch vo mir auf; d' Erlaubnis vo ihra hob i natürli!


1
1
1
1
1
1
1
1
1
1
aktuell: 0.00 (0 Bewertunga)

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.