• De Zick

    Wos werd do gspuit?

    "Auf guad münchnerisch" is mei Spuiwiesn fia meine seiba gmachtn, ironisch-frotzelnde Gedicht und Gschichterl, de gern hinter des sogenannte Normale schaung. Auf dera Webseitn is fast oiss in Bairisch gschriebn, es gibt nur wichtige Erklärunga auf Hochdeitsch.

    Und glei am Anfang des Wichtigste: Bairisch is koa Dialekt, sondern a Oanzlsprach noch ISO 639-3: Konn ma nochlesen auf Wikipedia. Innerhoib vom Bairischen gibt es dann Dialekte bzw. Mundarten. De zwoa Begriffe werdn gleich verwendt, es gibt aber an feinen Unterschied: A Dialekt is wos, wos ma imitieren konn; Mundart ist oam in d' Wiege glegt wordn, is angeborn, ma konn einfach ned anders ois so redn. Desweng schreib i in Münchner Mundart und ned in Münchner Dialekt. 

    Wia aa immer: Guade Unterhoitung wünsch i eich!

    A Gedenkminutn

    As Münchnerische und da Münchner an sich sann im Aussterbn begriffa. Fia Viecher, de aussterbn, gibts an World Wildlife Fund und anderne Organisationa. Aber fia uns Münchner - nix!
    Wenigstens steht as Bairische seit 2009 im UNESCO-Atlas vo de gefährdeten Sprachen drin. Und wenigstens gibts es no - de Bayrische Nationalhymne: Oiso aufsteh, Respektshoitung einemma und mitsinga: Gott mit Dir, Du Land der Bayern ...  Gott mit Dir, Du Land der Bayern... (Da Text werd ozoagt!)

    Wos macht de Zick no?

    Vom Schreibn sowoih vo meim Mundartbuach, no meine hochdeitschen Romane konn i (no!) ned lebn. Oiso muaß i fia mei Weißbier und meine Leberkässemmen arbeitn: Transkription vo Interviews; Webseiten-Macha, Aufdrogstexte schreibn.

    Seit August 2023 teil i wieder mit am Deitschen Schäferhund, Duke, mei Lebn; der hoit me auf sauwa auf Trab - und gsund.

    Service

    Gustostückerl aus'm Internet

    Gustostückerl aus'm Internet

    Bayerische Fundstück aus'm Internet

     

    Aa wenn ma koa Fan von JuuTuub is: Newa de Schmarrn-Videos vom neia Bauchnowepiasing gibt s do münchnerische Schmankerl. Klassiker und Sachan unbekannter Herkunft: A "Saupreiß" im bayerischen Wirtshaus

    Der Klassiker von Ludwig Thoma: Ein Münchner im Himmel. Originalaufnahm mit Adolf Gondrell ois Sprecher

    Konrad Kneidlbeck alias Rupert Frank erzählt bayerische Witze

    Ida Schumacher (1894 - 1956): Muaß ma ghert hom:
    Die Trambahnritznreinigungsdame De Buidl und da Fuim sann nei und grausam! Aber da Text is original.
    Am Viktualienmarkt

    Da Weiß-Ferdl: Der Wagen von der Linie 8

    Der Weißwurstratgeber vom Bayerischen Weißwurstbotschafter Albert Fritz. Do findn S' oiss über d'Weißwurscht: ihra Gschicht, wia ma s' richtig macht, wia ma s' richtig isst und no vui mehra.

    Fia d' Bildung: Förderverein bairische Sprache und Dialekte e.V.. Is im November 1989 gegründet wordn und hod jetz über 3.000 Mitglieder. 

    I schreib fia Sie

    I schreib fia Sie

    Sie braucha a Gedicht?

     

    Grod wenn de oanzige, geidige Erbtante an runden Geburtsdog hod, is des koa schlechte Idee, ihra wos Bsondas zu schenga: Geng an Tierschutzverein oder d Kirch ois mögliche Erbn muaß ma do scho wos Übazeignds auffahrn! Oder wenn oana scho oiss hod: An Gutschein fia an Luxusurlaub auf de Seychellen konn se ned jeda leistn und mehra ois a Pfund Brillanten auf amoi konn ned a moi a russische Bavaria drong.

    Oisa schengan S' hoid a moi wos ganz Bsonders! Nämlich wos, des nur oamoi auf da Weid gibt: a Mundartgedicht  ganz speziell fia den Jubliar. Und zwar ned so a Zeigl, wia s gern bei soachana Anläss vo Amateure hidicht werd: vahunagglde Sätz, damit se s am End vo jeder Zeile reimt; depperte Witz, de ma scho bei de Neandertaler auf Stoadofen gfundn hod oder bei dene ma rot werd, weil s' einfach bloß peinlich sann.

    Naa! Wos richtig Guads: A Gedicht mit am super Sprachgfuih und Humor gschriebn, der neamands peinlich sei muaß. Des de Jubilarin/ den Jubilar in seine kloana - uns olle einga - Eitelkeiten, Eigenheiten und Bsondaheiten rübabringt. Und so flüssig gschriebn, daß de Leit beim Vordrong goar ned merka, daß des a Gedicht is.

    Wos des kost? Ned so vui wia a Gutschein fia an Seychellen-Trip oder a Gucci-Handtaschn. Wissen S' wos: Redn ma drüber, ruafan S' mi o. Wei ins Blaue nei konn ich gar nix song. Aber mia kumma scho zamm.

    München-Quiz

    München-Quiz

    Kennan S' Eahna aus in München?

    Noch 30 Frogn im München-Quiz wissen S' es. Vui Spaß!

    Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.

    Akzeptieren Ablehnen
    Weitere Informationen