Bin 1959 geborn in München und a waschechte Münchnerin: Bis auf oan Ausreißer (a Niederbayer) warn olle Vorfahrn bis zu de zwoaseitign Großeitern zruck Münchner. Und natürli leb i in München - seit 1990 im Glockenbachviertel. Solang i mir des no leistn konn.
Weil ’s nur noch gschätzte 6 % waschechte Münchnerinna gibt, fuih i mi ois soichane bsonders. Aber ganz boid werd mi a Vakeiferin in der Bäckerei ned vasteh, weil i "Semmen" valang und ned "Brötchen". Dass i jetz scho song muaß, i mecht bittschön a Brezn mit Soiz obn drauf, is da erste Schritt in de Richtung.
Für alle Fälle hob i beim Münchner Stadtmuseum an Antrag gestellt, dass ich noch meim Tod ausgstopft und unter am Glassturz, auf am Samtpoister im Museum ausgestellt werd.
Wos macht de Zick sunst no?
Vom Schreibn sowoih vo meim Mundartbuach, no meine hochdeitschen Romane konn i (no!) ned lebn. Oiso muaß i fia mei Weißbier und meine Leberkässemmen arbeitn: Transkription vo Interviews; Webseiten-Macha, Aufdrogstexte schreibn
